Borussia Dortmund chuan an elpui Bundesliga champion Bayern Munich hnen atangin midfielder Marcel Sabitzer chu an lalut.
Kum 29 mi Austria international hian kum 2027 thleng contract a ziak a. A man hi puanzar ni lo mahse Euro maktaduai 19 vel niin an sawi.
Sabitzer hian season liamta khan January-ah loan in Manchester United a zawm a. United tan hian vawi 18 inkhelin goal thum khung mahse club lamin lei nghet tura dawr zui loh an thlang.
“BVB jersey ha tura team zawm vat hi ka chak tawh hle. Dortmund hotute nen kan inbiakna a kaltluang hle a, nakin zel thlenga tum sang tak an neihte min hrilhfiah.”
“BVB hian heng tum a neihte hi a hlawhtlin theihna tura tha thawh ve ka duh a, fans te nen hlawhtlinna kan lawm theih thuai ka beisei.” tiin Sabitzer hian a sawi.