German champion Bayern Munich chuan an forward Sadio Mane chu Saudi Arabia lam nen an inbia tih an sawi.
Kum 31 mi Senegal forward hian Saudi Pro League club Al-Nassr hnen atangin sawmna lian tham tak a dawng a. Bayern Munich in pre-season inbuatsaihna Asia a an neihah tel ve mahse Inrinni a Kawasaki Frontale nen an inkhelh tumin telh ve a ni lo.
Bayern chuan, “Sadio Mane hi club dang zawm mai thei tura inbiakna an neih avangin vawiin inkhel tur squad-ah telh a ni lo.” tiin an sawifiah.
Mane hian nikum nipuiah Bayern Munich hi Pound maktaduai 35 in a zawm a, an hnenah kum thum contract ziakin season khat chiah a la hmang.
Bayern tan hian vawi 38 inkhelin goal 12 a khung a, nimahsela beisei anga season a hman loh avangin a hma hun chiang lo anga sawi a lo ni tawh.
Amah lakluh tumtu Al-Nassr hian tun nipuiah Croatia midfielder Marcelo Brozovic, Brazil full-back Alex Telles leh Ivory Coast midfielder Seko Fofana te an lalut tawh.