Lunglei District Congress Committee-in an party pisa-a nimina chhung inkhawmah Congress MLA hlui, PC Lalthanliana chuan, Lunglei MLA bial paruk-ah bial pahnih chu Congress party-in MLA seat an chan/lak tur chiangsaah an ngaih thu a sawi.
PC Lalthanliana chuan Lunglei district-a MLA bial paruk-ah bial pahnih chu Congress party-in seat an lak tur chiang saah neutral taka miin an hmuh dan a nih thu a sawi a. “Hetih lai hian, MNF te hian seat lak tur an nei lo va, ZPM te hi party chhunga inbei nasa ber an ni ve leh zel a; chuvangin, anni pawh hi seat an lakna tur hi sawi tur a awm lo,” a ti.
Congress MLA hlui hian an party-in bial pahnih chiangsa an neih avangin Congress party aian phur tur hi Lunglei district ah an awm lo tih a sawi a. Chawlhkar kaltaa Buarpui tlang dung an fanaah khawtinah Congress party mi nghet tak tak an awm avang an party tan boruak a eng hle niin a sawi.