Kum 2011 atanga 2014 chhunga Mizoram Governor hna lo chelh tawh Vakkom B.Purushothaman chu kum 95 mi niin nimin khan Kerela-a a chenna inah a thi.
Mizoram Governor, Dr Hari Babu Kambhampati chuan Mizoram Governor hlui chanchin a hriat veleh Governor hlui hi a ui thu sawiin, a kalsan tak a chhungte a tawrhpui tih a Twitter enkawl kaltlangin a tweet a ni.
Mizoram chief minister Zoramthanga pawhin Larsap hlui thih thu a hriat veleh a instagram account kaltlangin a thlalak leh a ui thu a share bawk.