Manchester United chuan German sports brand lar Adidas nen kum 10 dang thawkdun leh turin inremna an ziah belh a. Adidas hian Dollar maktaduai 900 chuangin an sponsor dawn.
United leh Adidas inremna hi June 2035 thleng daih tur a ni a. Kum 10 daih inremna tuna an hmanlai hi Pound maktaduai 750 a hlu a ni.
An inremna thar hi Premier League chanchin a season khata sum inpek tur kit sponsorship lian ber a ni a. Chelsea chuan kum 2016 khan Nike nen Pound maktaduai 900 man hu tho inremna nei mahse kum 15 chhung atan a ni thung.
United chief executive Richard Arnold chuan, “United leh Adidas inkar hi khawvel infiamna a hlun leh nghet ber pawl a ni a, kum 1980 chho atang tawh khan he thawhdunna hian infiamna a hmasawnna tam tak tan kawng hi a lo hawng tawh a ni.” tiin a sawi.