Hmeichhe World Cup thlengtu Australia in round of 16 an lut a, Canada lakah hnehna pawimawh changin an dinhmun an tichiang.
Thawhtanni a Melbourne Rectangular Stadium-ah Australia hian Olympic champion ni lai, team naupang leh beiseiawm tak Canada hi 4-0 in an hneh.
Australia tan hian Hayley Raso chuan first half-ah goal hnih a khung a. Second half-ah Mary Fowler chuan an goal thumna khungin huntawp hma in Steph Catley chuan penalty atangin goal a khung leh a. Captain Sam Kerr chhawr thei lo mahse an mamawh result an nei.
Inkhel lehlamah Nigeria leh Ireland te goal inpe lovin an inhnehtawk a. Point khat an hmuh avangin Nigeria in Women’s World Cup knockout stage a vawi thumna atan an lut.
Hmeichhe team tha Japan in Group C-ah match thum atanga vawi thum an chakna turin Spain 4-0 in an sawp.
Japan tan Hinata Miyazawa chuan goal hnih a khung a, Riko Ueki leh Mina Tanaka ten goal an khung bawk.