Vairengte leh Re- ngtekawn inkar, package 3 leh 4 chhunga 4-lane kawng laih huna leivung paihna tur hmun ruahman te sawihovin nimin khan Kolasib Bawrh- sap John LT Sanga hovin Competent Authority for Land Acquisition, DFO, NHI- DCL, Vairengte, Bil- khawthlir leh N. Chhimluang VC leh YMA hruaitute an thukhawm.
He thutkhawmah hian leilung hausakna humhalh chunga hmasawnna hna kalpui a pawimawh thu leh inbuktawk taka kalpui a nih loh chuan harsatna lian zawk thlentu a nih theih thu kalkhawmte chuan an sawi a. Kolasib paltlang tura 4-lane kawng laih tur pawh hna a tak a kalpui hma- in ruahmanna felfai tak siam hmasak a pawimawh thu an sawi.
Package 3 chhungah leivung paihna hmun 8 leh package 4 chhungah hmun 7 ruahmansa te an sawiho a. Engineering, procu- rement and construction (EPC) zawm chu- nga hna kalpui tur a nih angin leilung ti- chhe tam lo zawnga khawtlang duh dan leh a tul dan a zira hnath- awh hunah leivung paihna hmun pawh tihda- nglam theih turin an rel.
Leivung paihna hm- un tur chu NHIDCL-in ram a lak tawh pawn lam ami hman a nih chuan zangnadawmna hranpa ruahman a nih loh tur thu an sawi a. Ram hawh man erawh contractor-te nen inbiakremna anga pek tur a nih thu an sawi.
Leivung zaa 50 chu kawng laih thar huam chhung hmun hrang hrang hnawh khah nan hman tura ruahman niin, zaa 50 dang chu leivung paihna hmuna paih tura nih thu NHIDCL lam chuan an sawi a. Khawtlangin leivung hman tangkaina tur an neih chuan a remchan dan a zirin ruahmanna siam- sak theih a nih tur thu an sawi bawk.
Kolasib district chu Mizoram luhkapui a nih angin kawng hrang hranga hmasawnna th- leng tur chuan inkal- pawhna tha leh chang- tlung a awm a pawimawh thu Kolasib Bawrhsapin a sawi a. 4-Lane kawng tha tak a awm theih nan ruahmanna siam kawngah te, a vil kawngah te, tul lova ram leilung tih chereuna thleng lo tur a neitu nihna thinlung nen a ven kawngah te sorkar, khawtlang leh hnathawktu turte tanrual a pawimawh thu Kolasib Bawrhsap chu- an a sawi bawk a ni.