Tun hma atanga Mizoten kan belh nasat leh, kan lehkhathiam hmasate pawh an lo zirchhuah tawhna. Shillong-ah chuan vawiin thlengin Mizoram atanga zirlai lut leh chhuak an la awm reng a, an zirna in hrang hrang pawh a la tha hlawm reng bawk.
Hetih lai hian tun hnai Manipur buai boruak vangin an theihtawpin an fimkhur ve reng a, hmarchhak state hrang hrangte kal tamna a nih ve tho avang leh zirlai leh hnathawk an tam avangin zan lamah phei chuan an thlenna/riahna hmun chhuahsan tam lo turin an la inhrilh reng fo thin thu an sawi.
Synod House enkawltu, Mafaki chuan Meitei-te ngei ngei pawh an thlen veleh nawlh thin thu a sawi a, The Zozam Times-in a hmuna a tlawh lai pawh hian Meitei pakhat a thlen leh nawlh bakah kohhran hmunpui a nih avanga ngaihngam taka bel an nih a rin thu a sawi.
Tin, Zofa unau awm hrim hrimte pawh an inlungrual a, hmarchhak state dangte aia Mizo an ngaihsan leh dah san thu an sawi thin bakah, an bazarpui ber pakhat, Police bazar-ah phei chuan Mizo nula pahnih/thum velin second-hand an thin chuan tha turah ngaiin, an awm lai ngei ngei pawhin hnamdang hoin an en ve nghal vat thin thu, Awiteii, Shillong-a seilian pakhat chuan a sawi hial.