BJP hruaitu pahnih, Rakesh Singh leh Pamela Goswami te chu cocaine kawla puh an nih vangin Kolkata police-in an man.
Goswami car atanga cocaine gram 100 an man vangin Rakesh Singh hming a lan tel phah.
Ruihtheihthil avanga BJP hruaitu pakhat chu West Bengal a state police-ten man an tum tumin lemchan ang maiin thil a thleng.
Singh chu police hnenah a inpe duh lo a, Delhi-ah BJP tana hnathawh a tul vanga kal turin a insawi a. Hetihlai mek hian Calcutta High Court-ah ngaihdamna, police hnena inpe tura an tihna chu alo thlen ve mek bawk a. Court chuan a dilna hi a hnawlsak thung.
Court chuan a dilna hnawlna a puanchhuah veleh police-te chu Kolkata-a a inah an kal ta a. Hetah hian Singh-a fapa pahnihin police-te chu lo dangin an ina luh an khap a. Police-in an in an hual laiin a fapa pakhat luhlul tak chuan, “In hman-hmawh a nih chuan kan kawngka hi tichhe mai rawh u,” a lo ti.