Agriculture Department buatsaih Mega Oil Palm Plantation Drive chu nimin khan Agriculture Minister C. Lalrinsanga’n Aijal Club-ah a hawng a, Oil palm chingtu hlawhtling te hnenah -Best Farmers Award 2023- a sem.

Agriculture Minister chuan sorkar laipuiin an ruahman anga Mega Oil Palm Plantation Drive chu Mizoram district tinah kar hmasa lam atanga hman tan a nih thu a sawi a. Oil Palm ching tu ten hlawhtlinna an hmu chho zel chu lawmawm a tih thu sawi- in, beiseina sang tak a neihtir thu a sawi.

Sorkar laipui leh state sorkarin oil plantation a ngaihpawimawh thu leh state hmalakna hrang hrang te sawiin, “Heng za- wng zawng hlawhtlin- na chu taimaknaah thui tak a innghat a ni”, a ti a. Oil palm chingtute chu an tharchhuah a lo tam zawk theih nan plantation area zauh zel bakah kung khat in tharchhuah zat a tam thei ang ber tharchhuah a nih nan plantation tihna tur hmun thlan fimkhur te, tui leh leitha hmanga enk- awl zui pawimawhna te a sawi bawk.

Mega Oil Palm Pla- ntation Drive hi Agriculture Department Secretary Dr. Lalrozama’n kaihhruaiin, Oil Palm ching hlawhtling mi pathum – Ramtinchawma, Nalzawl, Mamit District, Lalla- wmzuala, Serchhip, Serchhip District leh F. Lalhlimpuii, Bair- abi, Kolasib District ten Oil Palm chin kawnga an tawnhriat te an sawi bawk.

Best Farmers Award 2023 dawngtute :

1) Mamit District – Ramtinchawma, Nalzawl; Ani hian 31.89 ha a zau ram chhungah Oil Palm kung 4560 neiin, kum 2022-23 chhung khan quintal 4071.85 a hralhchhuak a ni.

2) Aizawl District – C. Vanlalthlamuana, Armed Veng: Ani hian 4.265 Ha a zau ram chhungah Oil Palm kung 610 neiin, kum 2022-23 chhung khan quintal 153.53 a hralhchhuak a ni.

3) Serchhip District: Lalremruata Royte, Serchhip Darnam Veng: Ani hian 3.56 Ha a zau ram chhungah Oil Palm kung 509 neiin, kum 2022-23 chhung khan quintal 75.47 a hralhchhuak a ni.

4) Kolasib District: Zomuansanga Ralte, Khamrang: Ani hian 23 Ha a zau ram chhungah Oil Palm kung 3293 neiin, kum 2022-23 chhung khan quintal 1774.40 a hralhchhuak a ni.

5) Lunglei District: Lalrinthanga, Khawmawi: Ani hian 3.85 Ha a zau ram chhungah Oil Palm kung 550 neiin, kum 2022-23 chhung khan quintal 379.59 a hralhchhuak a ni.

6) Lawngtlai District: Tarit Kanti Chakma, Chawngte C: Ani hian 2.50 Ha a zau ram chhungah Oil Palm kung 370 neiin, kum 2022-23 chhung khan quintal 307.00 a hralhchhuak a ni.