Aizawl: Social Welfare Minister Er. Lalrinawma’n nimin khan Ainawn venga old age home leh Protective Home Hunthar venga mi chu tlawhin thawktute nen inkawmhona an nei.
Minister Er. Lalrinawma chuan old age home tlawh hmasa-in, thawktute nen an inkawmnaah kum upa te chu an hluin, hnam hausakna pakhat an nih thu a sawi a, chhan hrang hrang avanga old age home-a awmte chu hmangaihna nena enkawl turin thawktute a chah.
Old Age Home hi March 1, 1989 khan din tran niin Kum 60 chunglam mi sawm (10) enkawl mek niin thawktu 8 an awm mek a ni.
Hemi hnu hian Er. Rinawma chuan State Social Welfare & Rehabilitation Centre Hunthar veng ami chu tlawh lehin hmeichhia harsatna tawkte dawmkan tumna leh an nakin hun thlenga thra tur ngaihtuah puina trangkai tak a awm chu lawmawm atih thu a sawi.
Protective Home hi Kum 1990-ah din niin mi 50 awm theihna a ni a, Puantah, Puanthrui, Beauty Culture leh Computer-te zirtir thrin niin an an awm hun chhung thla 7 a ni a, tunah hian mi hmeichhia 43 leh naupang 5 awm mekin thawktu 22 an awm mek bawk.