Aizawl: Excise & Narcotics Department chuan heroin thahnem tak an man.
Ningani tlai dar 3 khan END chuan Thuampui Veng, Helipad-ah heroin kg 2 & gram 667 (hawng 220) leh heng heroin phurh kualna atana hman, TATA YODHA Pikup (Regn No MZ01/X-8688) an man.
Heroin neitu-a puh mi pahnih – Vankhuma (29), Khawmawi, Myanmar leh Lalthazuala (29), Thingthelh, Kolasib district; Bawngkawn North, Aizawla khawsa mek nia inchhalte pawh man tel.
Heroin-te hi second hand bale pahnih kara thuhruk an ni a, Myanmar atanga lak, hmun danga tihral an tum mek laia mansak an ni.
Heroin vanga mante hi NDPS Act tlawhchhanin thubuai siamsak an ni a. Nimin khan court-ah hruai an ni. Heroin vanga mante hi thiamloh chantir an nih chuan kum 10 atanga kum 20 thleng tan ina tantir leh pawisa Rs 1,00,000 atanga Rs 2,00,000 thleng chawitir bawka hrem theih an ni ang.