Chelsea chuan Brighton goalkeeper Robert Sanchez chu Pound maktaduai 25 a lalut turin inremna an nei.
Blues hian an goalkeeper Edouard Mendy chu Al-Ahli lamah an kal tir avangin goalkeeper thar an melh a, Kepa Arrizabalaga nen first choice goalkeeper ni tura inel tur an duh a. Kum 25 mi Sanchez hi an lalut dawn.
Spanish goalkeeper hi Chelsea-ah hian Brighton-a a thawhpui thin goalkeeping coach Ben Roberts nen an thawkdun leh dawn a. Hei chauh hi ni lovin Kepa nen club leh ram tana inkhelhna hmun chang turin an inel ang.
Sanchez hian kum 15 mi niin Seagulls academy hi a zawm a, loan in Forest Green Rovers leh Rochdale tan te khel tawh bawkin Brighton tan hian vawi 90 a khel tawh a ni.
Season liamta chawhnu lamah khan Jason Steele chuan a luahlan a, hei vang hian Seagulls in a chhuah an phalsak.