Miss Universe Indonesia candidate thahnem tak chuan police-ah thubuai thehlutin, orgainser te’n mipat hmeichhiatna lam hawiin an tinawmnah niin, an sawi.
Contestant te hi an hnute endik tur nia sawiin, a chunglam an phelh tir a, final intihsiakna August 3 thlen hma ni hnih khan an thla te lak sak niin, an lawyer te’n an sawi ve bawk.
Organiser te hian an taksaah ser leh hnuhma mawi lo a awm leh awm loh enfiah a ngaih vanga heti anga kalpui ni awma tarlan a ni.
Contestant pakhat chuan, “Ka dikna leh chanvo chhuhsakah ka inngai. Rilru lamah harsatna ka tawh pah a, zan lamah ka muhil thei lo,” a ti.
Heng lungawilohlan thlentu hmel hi fiah lo ruaia tarlan a ni a, an nihna thupsak a ni bawk.
An lawyer zinga pakhat Mellisa Anggraeni chuan tunah hian candidate pathum te a buaipui mek a, midang pawh an lo penchhuak el dawn, ati.