AZL: A thianpa tui tla chhan a tumna lama nunna chân, Pukzing tlangval, Anthony Lalhruaizela chu India sorkarin huaisen chawimawina, Jeevan Raksha Padak a hlan.
India president-in huaisen chawimawina dawng tura a thlan, Anthony Lalhruaizela, kum 23 leh a thiante chu Decemeber 13, 2021 khan Tlawngah kalin a thianpa, Lalmawipuia chu tuiah tlain chhanchhuah tumin tuiah chuan a zuang thla a, vanduaina tawkin an thian dun hian an thi a ni.
Mi dang nunna chhan tuma a nunna a hlan avang hian India sorkar chuan huaisen chawimawina, Jeevan Raksha Pada a hlan a, chawimawina hian thuziak leh Rs. 1,00,000 keng telin, sum hi Anthony-a chhungte hian an dawng tawh a ni.
Anthony Lalhruaizela hi 12 Assam Regiment-a thawk lai a ni a, a post, Kanpur atangin Krismas hmang tura an khua, Pukzinga a haw laiin vanduaina tawkin a boral ta a ni.