Everton in Sporting Lisbon atangin rawlthar striker Youssef Chermiti chu Pound maktaduai 15 in an lalut.
Kum 19 mi Portuguese forward hi season liamta khan Sporting Lisbon first team-ah inkhel tanin an tan match 22 a khelh atangin goal thum a khung a. Tun season-ah Premier League ah forward hriam zawk ni turin ke a pen dawn.
Chermiti chuan, “He huntha hi ka bawhpelh thei lo. Ka tan hun pawimawh tak a ni a, rim taka thawk turin ka inpeih.” tiin a sawi.
“Ka tan chuan Everton zawm hi thil pui tak a ni a, bul tanna thar, bung thar kaina a ni. Hlawhtlin duhna lian tak ka nei a, Everton-ah hian ka theihtawp ka chhuah ang.” a ti bawk.
Toffees hian tun nipuiah player an lakluh pathumna a ni a, full-back Ashley Young leh winger Arnaut Danjuma te loan in an lalut tawh.
Chermiti hian Everton striker Dominic Calvert-Lewin thachhangdawltu nih a tum dawn.