Nick Kyrgios-a tan season harsa in ziaawm lam a la pan thei lo. Hliamin kuminah a tlakbuak nasa a, US Open-ah a tel dawn lo tih a buatsaihtuten an sawi.
Australian star, talent nei tha tak hi kuminah inhliam avangin ATP Tour-ah match khat chiah a la khel.
Kyrgios hian banrek hliam avangin Wimbledon a khel lova, khup hliam leh a ke ah hliam a neih bawk avangin Australian Open leh French Open a khel tawh lo bawk.
Kum 28 mi hian court-ah match khat chiah a inlan avangin world rankings-ah pawh tla thla thui viau in no.92 a ni mek.
Kum 2022 khan Kyrgios-a tan kum tha a ni a, Wimbledon final lutin Grand Slam singles final a luh hmasak ber a ni a, world rankings-ah 11-na a ni bawk.
A nungchang avanga beisei pha lo fo thin Kyygios hi karleh a rankings thar siam hunah top 100-ah a awm tawh dawn lova. US Open main draw-ah hian Argentine mi Facundo Diaz Acosta chuan a hmunruak hi a luah dawn a ni.