Aizawl : MZP, Vengsang branch, Champhai-in Zirtawpni zan khan Vengsang YMA hall-ah zirlai titha chawimawina hun an buatsaih a. Champhai North bialtu MLA Dr ZR Thiamsanga leh Champhai Bawrhsap James Lalrinchhana ten an telpui.
MZP te hian Champhai Vengsang huamchhunga graduate leh post graduate pass thar, first division leh a chunglam zirlai 19 te an chawimawi a ni.
Champhai North bialtu MLA Dr ZR Thiamsanga chuan graduate leh post graduate first division leh a chunglam zirlai titha chawimawi tur mi 19 zet Champhai Veng- sang-in an nei chu thil ropui tak a nih thu a sawi a. Zirlaite chu theihtawp chhuah chh- unzawma, ram leh hnam leh khawtlang tana chhawr tlak leh mi tangkai nih tum theuh turin a chah.
Mizo zirlaite thlavang hauh kawngah leh ram leh hnam hum- halh kawngah MZP chu a hmatawnga awma huaisen takin hma an lak thin avanga fakin, “kan khawtlang tana an hnathawh leh an inpekna avangin an chungah lawmthu ka sawi a ni” a ti bawk.
Champhai Bawrh- sap James Lalrinchhana pawhin zirlaite hmakhawngaia zirlai chawimawina hun buatsaihtu MZP Veng- sang branch, Champhai te fakin, an hma- lakna chuan zirlaite leh nu leh pa te tiphur tharin khawtlangah pawh nghawng tha tak a neih ngei a rin thu a sawi a. “Mihring nunah hian zirna a tawp tak tak thei lova, nitin thil thar zir belh tur a awm zel a ni” tiin zirlaite chu an zirlai textbook piahlamah tawng dang zir te, music zir te, lehkhabu tha chhiar thin te ching turin a chah bawk a ni.