Aizawl : Trained Nurses Association of India (TNAI) President Prof. Dr. Roy K. George leh General Secretary Evelyn P. Kannan ten Inrinni khan Chief Minister Zoramthanga hmuin, Mizoram sorkarin Directorate of Nursing din phalna a pek avanga an lawmthu an hrilh.
TNAI hotute chuan TNAI Mizoram branch-in Office leh hmunhma an neih ve theihna turin Aizawlah ram an leisak thu pawh Chief Minister chu an hrilh a, an hmalak zel dan tur ruahmannate an hrilh bawk.
Chief Minister chuan, “Nurse te hi kan chhawrin kan tangkaipui em em a. Hriselna lama hma kan sawn zel theih nana hmalakna pawimawh tak pakhat chu Directorate of Nursing neih hi a ni” a ti a. Nursing chu ramdanga hna tha tak tak thawh theihna remchang leh thiamna hlu tak a nih thu pawh sawiin, sorkarin Nursing lam tihchangtlun deuh deuh a tum thu TNAI hruaitute chu a lo hrilh bawk a ni.