Chandigarh District Consumer Commission thutlukna siam angin Gogole, B2X Service Solutions leh Flipkart te chu service chhe tak leh sumdawnna dik lo tak kalpui thubuiah thiamthu sawi tur an nei lo, a ti.
Engnge thleng ta le? Complaint-tu pakhat chuan Flipkart kaltlanga Google Pixel 4A phone a lei chu a hnu reiloteah a buai deuh nghal mai a, Google team lam hian a tir lamah siamtha ve thuai bawk mah se, phone proximity sensor chu a fuh hlei thei ta chuang lo a ni.
Vawi tam a complaint hnu leh technician lam pawhin an tlawh zut hnu ah a tha tak tak thei chuang lo. Hemi hnu hian Google hi a insaseng titih ta mai a, Pixel phone hi an siam a ni loh thu te sawiin, US lama inkhuar Google LLC lam chu a kawk ta a ni.
Flipkart pawh hian leitute leh hralhtute inkara thlunzawmtu mai a nih thu sawiin, hralh tak taktu a nih loh thu a sawi ve bawk