YouTuber hriathlawh MrBeast chuan music video tih lovah chuan a video thar siamin darkar 24 chhunga entu a ngah ber tih a puang.
A video, ‘7 Days Stranded At Sea’ chu darkar 23 lek chhungin view maktaduai 46 a hlawhchhuak hman a ni awm e.
He video tharah MrBeast hi mi dang pali te nen raft chungah awmin ni sarih chhung tuipui ah an tang a, chanchin buatsaih lai hian view maktaduai 74 a chuang daih tawh nghe nghe.
“Music video ni lo darkar 24 chhunga enhlawh ber video a ni ta! Kum 13 mi lek ka nih lai atang tawh a, zan mutnaa ka lo beisei em em thin nunah a takin ka inhlangkai ta. Ka hmangaih em em vek che u a, kan video te’n in lo en thin avang pawhin kan lawm hle a ni. Thlirtute ka tibeidawng ngai lo ang che u a, ngaia nei tur ang pawhin ka siam lovang che u,” tiin X-a official account-ah a ziak.
MrBeast hi YouTuber zinga mal khai anga subscriber ngah ber ni mek niin, he platform-ah hian a lar vet vet hle a, T-Series tih lovah chuan subscriber ngah ber a ni mek.
Tih tur huphurhawm leh phurhawma bawk si siam a, duanchhuah kawngah hriat a hlawh lehzual a, a video te reng reng hi a hlimawm zawng leh mit la peng thei tur ang bera phochhuah kawngah pawh tluk loh rim nam pha a ni.
Khawvela pizza slice lian ber in eisiak te kha a hmuhnawm rem rem hle a, Shark nena tui chen dun a, $1,00,000 hlawh tak kha thinphu dep dep en ngai, khaw dang hawi map lova min siam theitu a ni tlat.