Bangladesh chhim lama Myanmar atanga raltlana lutte awmna, Rohingya refugee camp-ah kangmei nasa tak chhuakin mi sang tam tak chenna in a kang chhia niin United Nations chuan a sawi.
UN Refugee Agency (UNHCR) chuan Ningania kangmei chhuak hian chenna 550 chuang, mi 3,500 vel a kang chhia niin a sawi a. Dar leh hlawkna um lova helai vela tanpui hna thawka awmte khawsakna 150 vel a chhe bawk niin a sawi.
Nayapara Camp-a Rohingya raltlan pakhatin Reuters news agency hnena thlalak leh video a pekah chuan chhungkua, naupang thahnem tak telin, an chenna a kan chhiat avangin awmna tur remchang dapin an awm mek tih a hmuh theih.
An awmna camp-ah hian kum 10 chuang an lo awm tawh a, concrete-a sak in hi a ban vel chauh hmuh tur a awm tawh a, a bulah thing tlem azawng ding a awm bawk.
“E-block chu a kang chhe vek,” tiin raltlan pakhat, Mohammed Arakani chuan a sawi a. “Engmah bâng a awm lo va, a vaiin a kang chhe vek tawp a ni,” a ti.
“Mi tin an tap a, an neih zawng zawng takmeuh an chân a ni,” a ti.
UNHCR chuan an awmna tur a ngaihtuahsak a. Myanmar nena inrina, Cox’s Bazar district-a raltlante tan hian hmanrua, thlasik thawmhnaw, ei tur leh damdawi mamawh ang ang a pe bawk.