Aizawl : Khawzawl Vengthar PWD Complex-a ‘Khawzawl Auditorium’ sakna tur lungphum chu nimin khan Urban Development & Poverty Alleviation changtu Deputy Chief Minister Tawnluia’n a phum.
Deputy CM chuan Khawzawlin Auditorium a nei tur chu lawmawm a tih thu a sawi a. Khawzawl district tana hna thawk thei tura a chunga duhsakna lantir thintu District mipui te lawmthu a hrilh.
Auditorium chu khawtlang tanrualna, inunauna leh pumkhatna thlentu a nih theih nan sak tan a nih atangin neitu thinlung pu theuh turin mipuite a chah a. Neitu thinlung put chu ram leh hnam, chhungkua leh khawtlang hmasawnna bulthut a nih thu Tawnluia chuan a sawi.
Tawnluia chuan “Di- strict chhunga hmasa- wnna chuan changkang zawnga ngaihtuahna thar neih duhna mipuite thinlungah a tuh zel a ni” tiin, “midang phak lova inhriatna ti bovin hma lam atan thlirna eng ‘positive thinking’ a neih tir a ni”, a ti a. De- puty Chief Minister ch- uan Tuichang biala hmasawnna hnathawh hrang hrang te a sawi bawk.
Sorkar thuchhuahin a tarlan danin Khawzawl Auditorium hi UD&PA department kaltlangin state sorkar fund Rs nuai 642 senga sak tura ruahman a ni a. Auditorium hi chhawng thum a sang tura ruahman a ni.