Aizawl : MZP Mamit Hqrs-in Mamit Chhim Veng YMA hall-a zirlai tiṭhate chawimawina hun an buatsaih chu School Education Minister Lalchhandama Ralte-in a hmanpui.
School Education Minister chuan zirnaa hlawhtling chawimawi tur ṭhahnem tak an awm chu lawmawm a tih thu a sawi a. “Tunlai kha- wvel inelnaah hlawhtli- ng tak tak tur chuan ta- wrhchhel, taimak, tumruhna leh teirei peihna nena ṭanlak a ngai” tiin, zirlai hlawhtling chawimawite chu inelna sangah tling thei tura theiht- awp chhuah turin a chah.
Ramin a mamawh chu lehkha thiam, hnam thinlung pu, mahni nu leh pa ṭhansanlo, kha- wtlang leh kohhran nun ngaihsan nachang hria an nih thu School Education Minister chuan a sawi a. Zirna chu hmasawnna hnukpui innghahna a nih thu sawiin, sorkarin awmze neia zirna a kalpui mek thu a sawi.
Naupang te zual kaihhruai nan zirtirh bute nambar bute siam a nih thu School Education Minister chuan a sawi a. Naupang ten an hnam ropuina leh hlutna an theihnghilh loh nan pawl VI, VII, VIII ten Zonun tih zirlaibu an zir mek tih sawiin, High School zirlai ten Science leh Mathematics chu mahni ṭaw- nga an thiam theih nan bilingual textbook siam a nih thu leh Higher secondary school tan siam leh mek a nih thu a sawi.
Education Minister chuan ṭawng dik hum- halh na turin Mizo Language Development Bo- ard din a nih thu pawh sawiin, “zirna sikulah he hnam leh Kristianna dah pawimawh nan, Ro min relsak ang che tih hla sak ṭhin tura tih a ni” a ti.
Zirlai ṭhenkhatah ruihtheih thilin bu a khuar nasa hman hle nia sawiin, pawi a tih thu School Education Minister chuan a sawi a. “Ruihhlo hmuh tur a tam tial tial a, kan naupangte a man beh loh nan nu leh pa ten mahni fate chik leh ven a pawimawh” tiin, zirlaite chu ruihhlo ti chunga lehkha zir an hlawhtling ngai lo tih hre reng tur te, khawi hmunah pawh hun vawng dik tur te, a hun taka thil ti tur te in a chah bawk.
Mamit-a zirlai tiṭhate chawimawinaah hian HSLC, HSSLC leh Degree Course-a tiṭhate leh top ten-a lang te chawimawina hlan an ni.