Aizawl : Mizo Student Union Sub-Hqrs. Bairabi buatsaih under graduate pass tharte lawmpuina hun hman a ni. He hunah hian Kolasib bialtu MLA K Lalrinliana chuan khuallian niin a hman pui.
Bairabi North Branch YMA Hall-a pass thar te lawmpuina nilainia buatsaihah khuallian K Lalrinliana chuan thu sawiin, Mizoram sorkarin zirna a ngai pawimawh tih a sawi a. “India ram pawn Myanmar atang leh, Mizoram state pawn atanga kan unau rawn raltlan zinga zirlai te pawhin, an zirna an chhunzawm theih nan hma kan la a, tunah chuan kan unau raltlan te atangin Mizoram huapa zirlai ti tha top 10-a langpha te an awm hial te hi, a hluin a lawmawm zual a ni,” a ti.
K Lalrinliana chuan zirlaite tumruhna leh taimakna chu hlawhtlinnain a zui thin avangin zirlai pass tha satliah mai ni lo vin, hlawhtling lehzual tur leh mi bik ni thei turin theihtawp chhuaha tan lak a ngai tawh tih a sawi a. Mizo zingah central service pawh an awm mumal talo hi a veizawm takzet ta tih sawiin, “Hetianga kan kal chho zel a nih chuan, kan hmalam hun hi a thim zual dawn. Chuvangin, zirlai leh thang lo thar zel tur ten, central lama service tlak tura tan kan lak a ngai a ni tiin, chumi tur chuan sorkar pawhin tan la chho zelin, Kolasib khawpui chhungah pawh Coaching Center a siam te hmang tangkai zel turin zirlaite a chah.
Zirlai under graduate pass mi 31 te hnenah khuallian chuan lawmpuina leh chawimawina thuziak an hlan a ni.