Aizawl: India ram pawna Mizo hnathawka awm, manganna tawk mekte hruai haw an nih theih nan BJP Mizoram State Spokesperson Lalremsangi Fanai kaihhruainain harsatna tawk chhungten SP Aizawl-ah leh SP CID-ah FIR an theh lut.
India pawna hnathawk tur Mizo thalaite tirh chhuah zingah harsatna tawk an tam a, hengte hian BJP Mizoram hotute hnenah puih theihna kawng dappui turin an ngenin hma an la a ni.
BJP Spokesperson Lalremsangi Fanai kaihhruaina hnuaiah Union Home Ministry, Embassy, Consulate, External Affairs Ministry te leh Mizoram sorkar official te biak an ni tawh a, a tul hmasa atan Mizoram Police hnenah FIR theh luh a, Private Employment Agency – Placement Agency zawng zawngte chhuichhuak a, tute nge dan bawhchhia tih hriat hmasak a tul a, chumi atan FIR hi an theh lut ta a ni.
BJP Mizoram chuan tuna harsatna tawk leh an chhungte pawh lungngai lo turin an chah bawk.