Tunkar a Sikkim Independence Day Football Tournament 2023 a champion Mizoram Football Association aiawh a kal Khawzawl Vengthar FC te chu Ningani khan Mizoram an rawn thleng a. MFA chuan champion team te hi an lo hmuak.
Champion team hmuahna hun hi Sihhmui ah hman a ni a, chaw chhun kilpui nghal bawk an ni.
Hmuahna hunah hian coach PC Lalchhanchhuaha chuan Gangtok a Mizoram tana champion thei an ni chu thil lawmawm tak niin Pathian hruaina leh Mizo mipuite tawngtai pui vang a nih thu a sawi a. MFA, Khawzawl DFA leh District danga FA zawng zawngte leh Mizo mipuite hnenah lawmthu a sawi bawk.
MFA treasurer Tuikhuahthanga chuan Khawzawl Vengthar FC hlawhtlinna chu Mizoram football tan hlawhtlinna ropui tak a nih thu a sawi.