All India Congress Committee (AICC) President Mallikarjun Kharge chuan nimin khan an party thuneitu sang Congress Working Committee (CWC) member a ruat thar.
AICC President hian CWC member atana ruat thar zingah MPCC leh Mizoram Chief Minister hlui Dr Lal Thanhawla pawh a tel. Dr Lal Thanhawla hming hi 12 naah tarlan a ni.
Dr Lal Thanhawla aia tarlan hmasakte chu Mallikarjun Kharge, Sonia Gandhi, Manmohan Singh, Rahul Gandhi, Adhir Ranjan Chaudhary, AK Anthony, Ambika Soni, Meira Kumar, Dihvijay Singh, P Chidambaram leh Tarig Anwar-te an ni.
Tunhma pawhin Dr Lal Thanhawla hi CWC-ah hian a lo tel tawh thin a, India rama Congress party hruaitu zinga a senior berte zinga mi a ni.