Zirtawpni tlai dar 4:30 vela Zemabawk Bethel venga KC Zauva te chhung chenna in chim chu Chief Minister Zoramthanga’n Inrinni khan a tlawh.
Chief Minister chuan a bial chhunga chhungkaw vanduaina chu pawi a tih thu a sawi a. In chimna hmunhma te chu sak leh theiha thenfai a nih hnuah a tul ang zela tanpuina pek an nih tur thu a sawi.
Chief Minister hian in chimnaa hnatlangte thingpui lum nan Zemabawk West Branch YMA kutah Rs. 5000 a hlan bawk.
KC Zauva te hian an in, Assam type sak thar hi Nilaini kalta khan an luah lut, Zirtpawno tlai lam ruahpui sur lai khan vanduaithlak takin a chim a. A chim lai hian an chhungkua member palite leh an hnathawktute an awm a, hliam te chu nei hlawm mah se an nunna atana hlauhthawnawm tham harsatna an tawk lo nia sawi a ni.
Inrinni zing khan Aizawl District Disaster Management Authority pawhin in chimna hmun an tlawh bawk.