Wimbledon final rematch Thawhtanni zingah a thleng a. Cincinnati Open final-ah Carlos Alcaraz leh Novak Djokovic te an inkhel.
Darkar thum dawn inkhelah Serbian star in set hnihnaah match point hial hmachhawn hman mahse a tho leh thei a, a khingpui hi beilet hlawhtlingin 5-7 7-6 (9-7) 7-6 (7-4) in hnehna a chang.
Djokovic hian hnehna a chan hnuah hian an inkhel chu kum 2012 Australian Open final a Rafael Nadal nen darkar ruk dawn an inkhel nen a tehkhin a, “Hetiang inkhel hi ka tawng tam lo. Kan vanglai a Nadal nen kan inkhelte kha court a ka awm lai khan min ti hrechhuak.” tiin a sawi.
Djokovic hian karleh Thawhtanni a khelh tur US Open-ah vawikhat a chak chuan world number one thar a ni ang.
Hmeichhe lamah kum 19 mi American tleirawl beiseiawm Coco Gauff chuan a title lak tawh zinga la ropui ber ni turin Karolina Muchova a hneh a. Cincinnati Open-ah a champion a, tennis a title pangana leh kumin bika a title pathumna a la.