Aizawl: Lai Autonomous District Council (LADC) huam chhunga village council pangaah nimin khan bye-election neih a ni.
Inthlan hi VC pasarih ah buatsaih niin VC pahnihah chuhtu awm lova tling an awm avangin, seat khat theuh ruak hnawh khat turin Nghalimlui, Dumzautlang, Chandurtlang-II, Electric Veng, Lawngtlai leh Lawngtlai Bazar ah vote thlak a ni.
Nimin chawhnu dar 1 thleng khan Nghalimluiah vote 68.64%, Dumzautlangah vote 81.46%, Chamdurtlang-II ah 89.77%, Electric Veng, Lawngtlai ah 64.62%, Lawngtlai Bazarah 62.36% a tla a, a vaiin vote 65.61% a tla a ni.
District Election Officer, Lawngtlai DC, H.Lalhmingthanga chuan Lawngtlai khawpui chhunga by-election neihna Electric Veng leh Lawngtlai Bazar a vote thlakna hmunte a tlawh a. Tluang taka inthlan neih a ni chu lawmawm a tih thu sawiin, inthlanna buaipuitute, political party leh mipui chung ah lawmthu a sawi.
Village Council by-election neihna a vote tlate hi nimin tlai dar 5 hnu lamah tihtur tulte tihfel a nih hnuah chhiarzui nghal tura ruahman a ni.