Aizawl: Excise & Narcotics Department (END) chuan ni hnih chhungin zu leh ruihhlo thahnem tak an man.
Thawhlehni khan END hian district hrang hranga an office te chuan rakzu litre 1,637, zu siamna bungbel 35, Sapzu um puitling 340, beer litre 36 (can 72) man an nei.
END hian August 22, 2023 chawhnu dar 1:15 khan Nazareth Veng, Champhai Vengthlang-ah heroin gram 49.460 (Hawng 4) leh a neitu nia puh – Vanlalhnemi (27), Chhawkhlei Veng, Champhai Bethel Veng-a khawsa nia inchhal chu an man.
Thawhlehni vek chhun dar 12:30 khan Chanmari West-ah heroin gram 37 (Hawng 3) leh a neitu nia puh mi pahnih – K. Vanlalmuana (50), Chhanmari West, CH-Section leh Rosangliana (41), Khawruhlian-a khawsa nia inchhalte chu an man bawk.
Nimin zing dar 1:50 khan Aizawl Hospital bulah heroin gram 11 (Hawng 1) leh a neitu nia puh – Lalremruati (32), Mission Veng, Aizawl-a khawsa nia inchhal chu an man bawk.
Nimin zing dar 7:50 khan Ganja kgs 17 leh gram 980 leh a neitu nia puh – Abinash Sukhomoy Tripura (27), Salgana, Cachar District, Assam chu an man. Heng Ganja te hi State dang atanga rawn lak, Aizawl-a hralh tum mek lai an ni. Ganja phurhna atana hman, Car Regn No. MZ01X-6737 pawh hrensak a ni.