Liverpool chuan Euro maktaduai 30 a Brazil midfielder Andre, 22, lei an dilna chu Fluminense in an hnawl a, December thla a an season a zawh hma chu an player tha hi chan an duh lo. (ESPN)
West Ham United chuan Ajax atangin Mohammed Kudus lakluh an la inbeisei a, kum 23 mi Ghana midfielder lei an dilna hmasa hi hnawl a lo ni tawh. (Sky Sports)
Manchester City chuan Pound maktaduai 80 a West Ham atang Brazil midfielder Lucas Paqueta, 25, lakluh an tumna chu January-ah kalpui leh an inpeih a, Football Association in player in pawisa inchawi lama dan a bawhchhiat an chhuichian phawt ngaihchan an inpeih. (Sky Sports)
Fiorentina chuan Morocco midfielder Sofyan Amrabat, 27, chu tun Zirtawpni thleng a hma hun tichiang turin hun an pe a, Liverpool, Manchester United leh Atletico Madrid ten an ngaihven. (Corriere dello Sport)
Liverpool in an ngaihven Ryan Gravenberch chu Bayern Munich-ah a cham zui zel dawn em tih a chiang lova, kum 21 mi Netherlands midfielder hi Bundesliga club hian hralh dawn se indawrna an kalpui dan tur an ngaihtuah mek. (The Athletic)
Kum 29 mi Bernardo Silva chuan Manchester City hnenah contract thar a ziak a, Portugal international hian kum 2026 June thleng contract a ziah belh. (Fabrizio Romano)
Arsenal in Chelsea hnen atangin Folarin Balogun man atan Pound maktaduai 50 an beisei a, Blues hian United States striker, 22, hi lakluh tumin an ngaihven. (Evening Standard)
Barcelona chuan Ansu Fati agent Jorge Mendes nen a hma hun chungchanga sawina an nei a, La Liga = club hian sum an mamawh vangin kum 20 mi hi tun nipuiah hralh an pawi ti lo. (Dario Sport)
Real Madrid chuan nakkum nipuiah Chelsea full-back Reece James chu lakluh an tum dawn. (Madrid Xtra)