Aizawl : Kum hnih chhung Indiain zalenna kum 75-na champha phak puala lawmna a kal pui kharna ‘Meri Maati, Mera Desh’ puala inkhawm chu RD Minister Lalruatkima’n a hman pui.
New Secretariat Coplex (MINECO) building tuala inkhawmah Lalruatkima chuan Azadi ka Amrit Mahotsav (AKAM) kum hnih a kalpui tak hnukharna pualin ‘Ka Leilung, Ka Ram’ tih campaign chu hlawhtling takin Mizoramah kalpui a ni chu lawmawm a tih thu a sawi a. Zalenna hlut zia leh zalenna sualtute ngaihlutzia inzirtir zel a pawimawh tih sawiin, India ram a lo ropui zual zelna atan Mizoram mipuite chu theih tawp chhuah chhunzawm turin a sawm.
RD Minister hian zalenna sualtutute leh mihuaisen, ram tana nunna hlantute chawimawina niah hian Mizo te hi hnam huaisen an ni tih hre thar leh turin Zoram mipui te a chah a. Hun harsa a lo thlena inkalsan ngai lo hnam an nih avangin Mizo nih a nuam tih a sawi a. “Kan huaisenna te, kan theihna te India tana hlan chungin midangte ruala ke pen zel a, Mizoram leh Mizo ang pawh a, midangte hnunga kal bik loa hmasawn kan tum a ngai,” a ti.
Inkhawm hi Chief Secretary Dr Renu Sharma-in a kaihruai a ni.