AZL:Aizawl SP Rex Zarzoliana Vanchhawng chuan kawng siam hna tha taka thawh a nih theih nan Hmuifang leh Chawilung Road inkar khar lailawkna thupek a chhuah.
Hmuifang leh Chawilung inkar kawng PCC Cement, km 10.38-a thui chu thawm that hna thawh a nih dawn avangin a thawktu tur, Technocrats Company (P) Ltd, chairman-in a dil angin hna chak zawk nan helai kawng hi khar (road block) tha nia hriat a nih avangin danin Superintendent of Police hnenah thuneihna a pek angin ni 14 chhung (August 30 – September 12, 2023) atan kawng kharna thupek hi Aizawl SP hian a tichhuak a ni.
Thupek hian chhiatrupna thil, kangmei leh emergency kaihhnawih a duty, dan leh thupek pawimawh bika police leh magistrate duty te leh emergency-a damlo hruaitute chet velna a huam lo vang.