Aizawl : Lawngtlai District Rural Development Office-in nimin khan Meri Maati Mera Desh campaign-a naupangte pual inelna a sem a, he hun hi Lawngtlai Addl. DC Abraham Beirazi Khithie-a’n a hmanpui.
He hun hmanpuitu Lawngtlai Addl. DC chuan India ram zalen kum 75-na lawmna – Azadi Ka Amrit Mahotsav hmawrbawkna ‘Meri Maati Mera Desh’ campaign leh Amrit Sarovar activity-te chu India ram hmun hrang hranga hman a nih thu sawiin, a tum ber chu India rama inremna thlen a nih thu a sawi a. Shilaphalakam – lungphun aṭang tein thangthar ten zalenna sualtu (freedom fighter)-te an hriat reng theih phah dawn tih a sawi.
Amrit Sarovar Site-a hmanlai infiamna (traditional games) hmanga intihsiakna buatsaih pawh ṭhangthar ten pi leh pu te hunlaia infiamna an lo neih ṭhin te an hriat tharna hmanraw ṭangkai tak a ni dawn tih a sawi a. He inelnaa tel naupang hlawh- tlinna changte chu a lawmpui thu sawiin, an lehkha zirlai leh infiamna leh taksa hriselna ngaipawimawh turin a chah bawk.
Lawngtlai DRDO Project Director Marilyn Rualzakhumtha- ngi’n AKAM MMMD puala intihsiakna leh lawmman semna hla- whtlin nana Block Level-a BDO leh staff-te leh village council leh vantlang mipuite inpeknaah la- wmthu a sawi a. He inelna bakah hian Independence Day 2023 pualin Amrit Sarovar Site hrang hrangah Tiranga Yatra, Cleanliness Pledge, Plantation leh Distribution of Ownership Certificate activity-te hman a nih thu sawiin, Rural Development Deptt. chu Azadi Ka Amrit Mahotsav hlawh- tlin theih nana a fawngvuantute zinga mi an nih thu a sawi. RD staff-te chu mipui rawngbawlsaktu an nih anga an rawngbawlsak mipuite nena an inkar a ṭhat a pawimawh thu pawh sawiin, anmahni dawrtute hawihhawm taka lo dawngsawng zel turin staff kalkhawmte chu a chah bawk.
Sorkar thuchhuahin a tarlan danin Bungtlang ‘S’ RD Block a Bungtlang ‘S’-I leh Bungtlang ‘S’-II Amrit Sarovar-ah te ‘painting/ drawing’ competition buatsaih niin, Tawngpia leh Lalnunmawia ten lawmman an dawng a. Sangau RD Block-a Sangau-II leh Sangau-IV Amrit Sarovar-ah te ‘pai- nting/drawing’ competition buatsaih niin, Lalvenhimi leh MC Lalruathlui ten lawmman an dawng.
Lawngtlai RD Block-a Hmawngbua ‘Insuknawr’ buatsaihah HC Lalpianglawma’n lawmman dawngin, Diltlang ‘S’-a ‘boxing’ inelnaah Lalnunhlua’n lawmman a dawng a. Chawngte RD Block huamchhunga Kamalanagar-II-a ‘high jump’ buatsaihah Sonil Bikas Chakma chuan lawmman dawngin, Kamalanagar-IV-a ‘painting/drawing’ buatsaihah Sona Devi Chakma chuan lawmman a dawng bawk a ni.