Inter Milan in Serie A kaithar Cagliari lakah hnehna an chang a, a zawna vawi hnih chakin season bul an tan.
Thawhtanni zanah Inter Milan tan hian first half-ah Denzel Dumfries leh Lautaro Martinez ten goal an khung.
Unipol Domus a inkhelah hian minute 21-naah Cagliari midfield chesualin Marcus Thuram chuan a team tana hun remchang siam turin ball a la a, Dumfries-a tan duhthusam a ball tha pe in Dutch defender in goal a khung.
Cagliari tantute inkhel tluanin an thawm tha mahse Inter bawkin goal an khung nawn a, minute 30-naah Martinez chuan Federico DiMarco cross atangin an goal hnihna a khung.
Inter manager Simone Inzaghi chuan, “Player ten hnehna chang turin an inkhel in fak a phu. Inkhel tan atangin an rilru puthmang a dik a, kaithar team an nih avangin an inthlahdah lo. An team an phur a, mahni muala Serie A inkhel hmachhawn leh an nih avangin chetsual theih tak a ni.” tiin a sawi.
Inkhel dangah Boulaye Dia goal vangin Salernitana in 1-1 in Udinese nen inhnehtawkin point an hmu.