North Korea chuan Yongbyon nuclear reactor chu a tharthawh leh dawn nia a lan thu UN atomic agency chuan a sawi.
Nuclear ralthuam atana hman, plutonium chu reactor complex-ah hian siam chhuah leh tan niin an hria.
International Atomic Energy Agency (IAEA) hi Pyongyang chuan kum 2009 khan hnawt chhuak tawh mah se thlalem atanga thlalak hmangin an chet velna an vil reng.
IAEA chuan July thla atang khan reactor hian cooling water chu a tinung thar leh tan nia an hriat ngei thu leh hei hian an che leh tan nia rinna a siam thu a sawi.
Yongbyon nuclear complex hi 5-megawatt reactor niin North Korea-in nuclear programme a kalpuia an hmunpui ber pakhat a ni.
Singapore-a United States President Donald Trump leh Kim Jong-un te December, 2018-a an inkawm hnua he hmun tihnun a nih leh hmasak ber a nih thu IAEA chuan a sawi bawk.
Yongbyon hi mi thiamte chuan ral atangin an vil reng a, ralthuam eng anga chak leh engzat nge a siam chhuah theih an thlithlai reng.
IAEA hian he hmuna radiochemical laboratory chungchang pawh tar langin, he hmun hi nuclear fuel hman tawh sawngbawlna a ni.