US Open champion lai Carlos Alcaraz chuan Thawhlehni zan khan a title humhim turin bul a tan a, a inkhel hmasa berah round dawtleh lut turin hun a mamawh rei lo.
Kum 20 mi Spanish star hian Dominik Koepfer hmachhawnin 6-2 3-2 a hma a hruai laiin a khingpui hian a ke a bilh a. A ke ti na in a inkhel zui thei lo.
Alcaraz hi nikum khan Flushing Meadows-ah Novak Djokovic a tel lohna tournament-ah hian a champion a. Kuminah Wimbledon-ah Djokovic hi a hneh. Tunhnaia an intawnin an inel tawk theih em avangin kumin tournament ah champion tura rinkai pahnih an ni.
“Chak dan duhawm ber a ni lova, mahse keima bikah chuan ka inkhel pawh a tha viau. First round-ah khatiang taka ka khelhthat nghal kha ka inbeisei lova, chuvang chuan ka lung a awi.” tiin Alcaraz chuan a sawi.
Inkhel dangah seeded number three Daniil Medvedev chuan hnehna chang turin minute 74 chauh a mamawh a. Attila Balazs chu hneh taka thununin 6-1 6-1 6-0 in a chak.
Kum 2021 US Open champion hian a khingpui lakah hian vuak dik vanga point hmuh tum 41 lai a nei.