Manchester United goalkeeper hlui David De Gea chuan Newcastle United zawm a hreh lo niin an sawi.
Spanish goalkeeper hi Manchester United a contract a hman zawh hnuah club dangin an la lalut lova, free agent a la ni mek. Newcastle hian Inrinni zana United nen an inkhelh tumin goalkeeper Nick Pope chu inhliam avangin an chan a, a chawlh chhung a rei dawn nia a lan avangin goalkeeper thar an melh nia sawi an ni.
England goalkeeper hi thla nga vel chawl tur nia ngaih a ni a. Hei vang hian first team goalkeeper tur tawnhriat nei tha neih an duh.
De Gea hian kum 12 a hman tawhna United hi nipui lai khan contract a hman zawh avangin a chhuahsan a. Eddie Howe-a pawlte hi a zawm a nih chuan first team-ah Martin Dubravka bakah Loris Karius leh Mark Gillespie te nen khelhna hmun inchuhin an inel dawn a ni.