South Korea sipai an zawm dawn tak vangin BTS member te chuan fan te chu sipai hmuna kal lo tur leh harsatna thlen lo hram turin ngenna an siam.
BTS member pali- RM, Jimin, V leh Jung Kook te’n ram kohna chhangin military service-ah an inziaklut dawn ta a ni.
“Thil eng emaw ngenna siam kan duh a, midangte pawh an lut ve dawn tho. Chuvang chuan, in lo kal loh hram kan duh hle mai,” tiin Jung Kook-a’n video kaltlangin fan te hnenah a ngen.
BTS member pathum te’n South Korea sipai an zawm fel tawh a, an ram danin a phut anga mipa kumtling leh pianphunga harsatna nei lote’n sipai an zawm ngei tur tih dan chu an kalpui mek. An member zinga upa ber Jin hi sipaia lut hmasa ber niin, J-Hope leh Suga te’n September khan an zawm.