Mizoram Snooker & Billiards Association buatsaih ‘Mizoram State 6 Red Snooker Ranking 2024’ chu neih zawh a ni a. Lalsangzela a champion.
Inrinni khan MSBA hnuaia inelna lian hi neih a ni a. ‘Mizoram State 6 Red Snooker Ranking Tournament 2024’-ah hian Khatla South a cheng Lalsangzela hi champion in, Zonuntluanga, Electric Veng chu pahnihna a ni.
MSBA buatsaih Mizoram State 6 Red Snooker Ranking Tournament hi Mizoram State Sports Council in an sponsor niin MSBA Hall, Hawla Indoor Stadium, Republic Vengthlang-ah an khel.
Tun tum inelnaah hian player 28 telin January 23 atanga January 27 chhung khan khelh a ni.
MSBA Hall-ah hian pool leh snooker table thahnem tak a awm a, hetiang lama tuite tan Pathianni tih loh ni tin chawhnu dar 1 atanga zan dar 9 thleng an hawng thin a. Ni khatah cheng 50 lek chawiin a inkhelh theih.