Nimin tuk khan Electric Veng Branch YMA, Aizawl chuan an Hall hnuai kawngpui an ah Water Cooler an dah thar chu hawngin a hmingah EYMA TUISIK an vuah a, EYMA TUISIK hian darkar 24 chhung a duh apiang tan tuisik thianghlim in tur a thlawnin an chhawp a ni.
EYMA TUISIK hi Lianchungnunga (President EYMA 1996) in a hawng a. EYMA President C. Lalrokhuma chuan thu sawiin, Pathianin Electric Veng YMA te tuihna malsawmna nasa tak min pe a, tunah hian midangte tan malsawmna ni ve turin hma kan la mai a ni, a ti. Khua a lum chho dawn a, EYMA TUISIK hi a ţangkai tawlh tawlh dawn a ni, a ti bawk.
Electric Veng YMA hian an Hall kawt kawngpui an ah tuihna a tui a duh apiang chawi theihin ruahmanna an lo siam tawh a, tunah hian tui thianghlim in tur an chhawp leh ta a ni. Hetiang Tui thianghlim in tur chhawp hmasa ber Branch YMA an ni a hriat a ni bawk.