Germany rama khawpui pakhat chu khualtha Taylor Swift an mikhual dawn tak vangin amah leh fan te chawimawi nan ‘Swiftkirchen’ tia hming thlak lailawk an remti.
Taylor hian Eras tour kal zelah July 17-19 hian Gelsenkirchen-ah show a nei dawn a, tualchhung fan pakhat Aleshanee Westhoff chuan social media leh mimal tak ang pawhin ngenna siamin, Mayor Karin Welge hnenah khawpui hming thlak lailawk phalsak turin a ngen a ni.
Mayor Welge chuan, “Hun eng emaw ti chhung Gelsenkirchen hi ‘Swiftkirchen’ tia thlak lailawk hi ngaihtuahna ropui tak niin ka hria a, chuvang chuan short-term ‘renaming’ hi phalna kan pe a, kan remti,” tiin a sawi.
Heti anga mayor hnen atanga phalna leh remtihna hmuh a nih veleh khawpui chhunga kawngpuiah ‘Swiftkirchne’ tih inziak signboard chu tarchhuah a ni nghal.