ESI Corporation chuan Assam Administrative Staff College, Guwahati ah ni hnih chhung Trade Union Leaders, Employers leh Employees representative bakah North East State Labour Secretaries representative leh Sikkim te nen ESI Scheme North Eastern State District hrang hranga a darhzau zel theihna turin meeting pawimawh tak an nei a. He hun hi Sh. Kamal Kishore Soan, ESIC Director General in kaihruaiin, ESIC, Headquarters Delhi concerned Commissioner level Officers te bakah Zonal Insurance Commisioner leh Medical Commissioner te an tel bawk.
Employers leh Employees meeting ah hian harsatna an tawh te sut kian dan tur leh tun aia nasa zawka North Eastern State ah ESI Scheme Healthcare a lo changtlun theih dan tur te sawiho a ni. BOCW board Secretaries meeting ah thil pawimawh tak tak sawiho niin Construction workers chungchanga an harsatna te pawh thlirho a ni bawk.