Nimin khan Shri Bhagirath Choudhary, Union Minister of State for Agriculture and Farmers’ Welfare, Government of India chuan College of Veterinary Sciences & Animal Husbandry (CVSc& AH), Central Agricultural University (CAU) a Teaching Veterinary Clinical Complex (TVCC) leh Department of Veterinary Microbiology a tlawh a. College in an sak thar Sales Boothleh Silver Jubliee Lungphun (monuments) a hawng bawk a, College Community Hall ah Exhibition a tlawh bawk a, lo nei mite leh ran vulhtute nen thu pawimawh tak tak sawihona an nei bawk. He hun pawimawh takah hian sawrkar mi pawimawh tak tak te an tel bawk a ni.
Shri Bhagirath Choudhary, Union Minister of State for Agriculture and Farmers’ Welfare hian TVCC a tlawhna ah hian college in ran damlo an enkawlna hmanrua chi hrang hrang te a tlawh a, Professor Fazal Ali Ahmed in a lo dawngsawng a ni, tin department of Veterinary Microbiology a tlawh na ah hian Professor Tapan Kumar Dutta in lo dawngsawng bawk in, natna an chhuina atan a project lian tham chi hrang hrang an khawih tawh te leh an khawih mekte a tlawh bawk.
Tun hnai a College of Veterinary Sciences & Animal Husbandry in an sak thar Sales booth hawnna a nei a, he sales booth hi an college gate bulah awm in, heta tang hian sa leh bawnghnute atanga tharchhuah ei tur thianghlim leh hrisel tak tak te College hian an hralh chhuak reng a ni. He sales booth hi Department of Livestock Product Technology (LPT) te enkawl lai mek a ni.
Union Minister of State Shri Bhagirath Choudhary hian college in kum 25 an tlin hriatreng nana lung an phun Silver Jubilee Monument an college campus chhunga awm chu hawnna a nei bawk.
Hemi zawh hian Shri Bhagirath Choudhary hian thingphun na hun neiin Community Hall ah Exhibition an buatsaih chu a en nghal a, tin, he community Hall chhung vek ah hian lo nei mite leh ran vulhtute nen thu pawimawh tak tak sawihona an nei bawk a ni. He inkhawmah hian Prof. Lalnuntluangi Hmar, Dean College of Veterinary Sciences & Animal Husbandry chuan kalkhawmte lawmna thu (Welcome Speech) a sawi bawk. Chief Guest Shri Bhagirath Choudhary, Union Minister of State for Agriculture and Farmers’ Welfare in thusawina hun hmang a, loneitute leh ran vulhtute hi kan ngaipawimawh em em tur a ni a, kum 2029 ah phei chuan an thla tin lak luh hi a let 4 in tihpun kan tum tur a ni a ti. An thlai leh sa tharchhuah te a hralhna lam kan ngaipawimawh tur a ni a FPO hi thu mai nilovin a takin kan kalpui tur a ni a ti bawk. He intawhkhawmna hun hi lo neitute leh ran vulh tuten hlawkthlak an ti hle.
Honourable Minister of State, Agriculture and Farmers Welfare, Govt of India hi nilaini chawhnu khan Mizoram lo thlengin Lengpui Airport-ah P.C. Vanlalruata, Honourable Minister, Agriculture and Farmers Welfare, Govt of Mizoram, Ramdinliani IAS, Secretary to the Govt of Mizoram, Agriculture and Farmers Welfare Department leh sawrkar official pawimawh dangten an lo dawngsawng a. Union Minister of State hi vawiin chawhnuah New Delhi ah a kir leh ang.