The Writer’s Club leh Laisuih Zirbing Rûn bul tum a, Hripui (Covid-19) len laia khawvel pum huap Zofate tana thawnthu tawi inphuahsiaka a tha lawrkawm Top 20 chuanna lehkhabu, ‘Hripui leng kara Hmangaihna’ tih, KC Vanlalruata buatsaih chu July 17, 2024 khan Emerald Hotel-ah Tlangzarh a ni.
He hun hi Lalhmachhuana Zofa, The Writer’s Club President in kaihruaiin, Hunserh hi Advocate John L.Varte Arcadia School Principal-in a hmang a, C.Lalrambuatsaiha, MJA President in lehkhabu hi a tlangzarh a ni.
He thawnthu tawi inziah siakah hian Mizoram bakah Zofate chenna Burma, Myanmar, Manipur leh Tripura atangtein mi 100 in thawnthu an thehlut a, chung zinga a titha zual Top 3-te chu hetiang hi an ni:
Lawmman pakhatna dawngtu : VL Muanpuia Chawngthu – Ngaihhruaina Rawmawl (Bûyao Zâi Wo Shênbiân)
Lawmman pahnihna dawngtu : Hmingtea Tlau – Kan Sulhnu Ka Tahpui
Lawmman pathumna : FC Lalthazuali – Hmangaihna Tluantling te an ni a, Top 3 te hian lawmmanah pawisafai leh Citation an dawng a, a ziak tha zual mi pangain Consolation prize (Pawisafai leh Citation) an dawng bawk.
Lehkhabu hi Synod Book Room leh lehkhabu dawr hrang hrangah lei theih tura chhawp chhuah a ni.