- Ruata
Royal Enfield chuan bike thar hlak, Guerilla 450 an tlangzarh a, he bike thar hi cheng nuai 2.39-2.54 (ex-showroom) man inkar tur a ni.
Royal Enfield Himalayan 450 khawl rawn tawm tur Guerilla 450 khawl hi 452cc, ‘Sherpa 450’ khawl, 8000 rpm-a 40hp power leh 5500rpm-a 40 Nm torque pechhuak thei a ni a. Himalayan 450 nen a khawl inang chiah mah se a khawl tha pek chhuah dan leh a gearing chu Himalayan te nena a bike hmanna inang tur a nih loh avangin her danglam (tune) a ni.
Guerilla hian a chassis lamah pawh Himalayan ta a rawn tawm a. A main frame inang mahse a sub-frame hrang hrang erawh a danglam thung a ni. Guerilla 450 hian suspension lamah pawh Himalayan hman ang USD fork a hmang a, hetihrual hian a hnunglam suspension-ah erawh monoshock a hmang thung a. Braking lamah chuan dual channel ABS neiin a hmalamah 310mm disc brake a hmang a, hei hi Himalayan hman aiin 10mm in a te zawk a a, a hnunglamah hian 270mm disc a hmang thung a ni.
Guerilla 450 hi Himalayan aiin kg 11 in a zang zawk dawn a, kg 185 a rit a ni. Litre 11 leng fuel tank a hmang ang a, 17 inch alloy wheel a hmang dawn bawk a. Guerilla hian tubeless CEAT tyre hmangin a hmalamah 120/70-R17 leh a hnunglamah 160/60-R17 a hmang a. India rama siamchhuah liau liau two wheeler zingah a ke hman aia lian hmang hi an la awm lo a ni.
Royal Enfield Guerrilla 450 hi variant thum – Analog, Dash leh Flash te a awm a. Digital Analogue display neiin a variant sang ho hian TFT dash a hmang bawk a ni.
India ram bike company hlun leh lar, Royal Enfield in bike chi dang thar hlak an tichhuak hi Royal Enfield bike thar ho ngaina tan chuan thil lawmawm tak a ni a. Leitute tan duhthlan tur thar tha tak leh mawi tak a rawn siambelh leh ta a ni.