Nimin khan BJP Mizoram State office-ah Union Minister of State, Agriculture & Farmers Welfare changtu Bhagirath Choudhary chuan party member-te inkhawmna hun hmanpuiin, Vanupa Zathang, IPS (Retd), State Vice President chuan inkhawm a kaihruaia, Vanlalhmuaka, State President-in Union Minister lawmna thil pek lo pe in, Bhagirath Choudhary chuan thusawina hun a nei bawk.
Bhagirath Choudhary chuan, “Mizorama BJP-te harsatna leh ṭhan chak theih loh chhan hre tur leh kuthnathawktute harsatna te a hmun ngeia hriat ka duh vangin ka lo kal a, kan harsatna bera an sawi Kristianna leh BJP inmillo a an sawi hi a mak hle mai a, ka State Rajasthan ah khuan thlan tlin ka nihna chhan pawh hi Kristian Vote vang a ni tih Mizoram mipuite hriatah ka sawi duh a, kan State ah chuan eng sakhua mah inenhranna engmah kan nei lova, MP ka in Candidate naah pawh Sakhuana a inthliar hranna engmah kan nei lo a ni. Chuvangin Mizoram mipuite’n BJP leh Kristianna inmillo leh indo anga an sawi ṭhin a nih chuan thu diklo a ni tih min hriatsak tur leh BJP len hlau tak Political Party-te sawi a nih a rinawm avangin thudik tak ka sawi hi min hriatpui turin ka sawm che u a ni,” a ti.
Bhagirath Choudhary chuan kuthnathawk tute pawimawh zia sawiin, “Thingtlang lo neitute kan tih hmasawn loh chuan Development ramin hma a sawn thei lova, Development tak tak a thleng thei dawn lo a ni, loneitute hi kan ngaih pawimawh ber tur a ni a, loneitute ngaih pawimahna State leh Ram ah chuan Hmasawnna a thleng ṭhin a ni. Kei ngei pawh Rajasthan ah Kuthnathawktu intelkhawm ah President ka la ni a, a chhan chu Development ṭha zawk kan hmuh zel theih nan ka ṭangkai ka rin vanga Minister ni chunga loneitu pawl President la ni ta zel ka ni,” a ti a.
“Mizoram ah hian BJP te’n ṭangkaina in nei a, State hmasawnna tur hian State Sorkar nen thawh hona ṭha in neih a ngai a, State Sorkar hian a kuangkuah che u chuan khulam ah kan lo kuangkuah ve anga, State Sorkar in an kuangkuah duh lo che u a nih chuan khulam ah pawh kan lo kuangkuah bik thei dawn lo tih vawiin ah hian ka sawi duh bawk a ni. Chuvangin BJP te hi kan pawimawh a, BJP tellohna ah chuan Development hian a thlen tur a thleng thei thin lova, eirukna in bu a khuar thin a, kan Sum pek te hian a thlenna tur dik tak a thlen theih nan BJP te hi kan pawimawh hle a ni,” a ti bawk.
Inkhawmah hian Dr K Beichhua MLA State Core Group Member chuan Union Minister lo lawmna thu sawiin, Lalramtiama Disciplinary Action Committee Chairman in Vote Of thanks sawiin hun a hmang bawk.