MZI Song Writer chuan hun hmasa lama an lo rel tawh anga zaithiam thenkhatten mipui hmaa an zai dawnin hla phuahtute hming an sawi tel thin chu lawmawm an ti a, mahni hla sak phuahtute sawi chhuahna chang hre lote pawhin sawi zel turin an phutin an ngen bawk a ni.
Mizo Zaimi Inzawmkhawm pawl, Song Writer-te chuan zaithiamten an zai dawnin emaw, Host-te’n zai thiamte zai tura an koh chhuah dawnin emaw, an hla sak tur phuahtu hming sawi thin turin an phutin an ngen a ni.
Hun a kal zel a, hlate pawhin hlutna a nei chho zel a, hla phuahtute hla an sak avanga hlawkna lo neiten hla phuahtute zah derna lan tir nan sum leh pai hlawkna an tel atanga 2% tal hla phuahtute pe ve thin se an duh hle bawk.
Kum hmasa lam khan Mizo Idol thlangtuten hla phuahtute hlawkna an siamsak avangin an lawm hle a, hun kal zelah pawh a nachang an hriat zel an beisei.
MZI Song Writer-te chuan hun remchang hmasa berah hla phuahtute intawh khawmpui (Song Writer’s Meet) neih an tum bawk a ni.